Taxıl sahələrində becərmə işləri aparılır

Sabirabad rayonunun təsərrüfatlarında cari ilin məhsulu üçün 21.683 hektar sahədə payızlıq dən bitkilərinin səpini həyata keçirilib. Taxıl əkinlərinin 11.958 hektarını buğda, 9725 hektarını arpa sahələri təşkil edir. Səpin zamanı aqrotexniki qaydalara ciddi əməl olunub, nəticədə sahələrdə yaxşı bitiş alınıb. Hazırda taxıl sahələrində suvarma tədbirləri davam etdirilir və mütəxəssislər tərəfindən ziyanvericilərə qarşı müşahidə işləri aparılır.
Yaxın vaxtlarda ziyanvericilərə və taxıl sahələrində alaq otlarına qarşı mübarizə tədbirləri də aparılacaq. Yaz aylarında isə sahələrə yemləmə gübrəsinin verilməsi nəzərdə tutulur.