Bizə yazırlar. “Küçəmiz elə bil gözdən düşüb”

Hörmətli redaksiya!
Biz Ordubadi küçəsinin sakinləri bir vaxtlar özümüzü şəhərin abad küçəsinin sakinlərindən hesab edirdik. Küçəmiz təmiz, işıqlandırılmış və asfaltlanmışdı.
Ancaq səbəb nədisə indi küçəmiz elə bil gözdən düşüb. Dirəklərdəki lampaların olmaması səbəbindən axşam düşən kimi küçədə göz-gözü görmür. Küçə boyu natəmizlikdir, antisanitariya baş alıb gedir. Küçə itlərinin məkanı elə bil Ordubadidi. Bir az hava qaralan kimi bu sahibsiz itlərin qorxusundan küçəyə-bacaya çıxa bilmirik.
Odur ki, xahiş edirik bu nöqsanları bu sahələrə cavabdeh olanların yadına salasınız.

Sabirabad şəhər Ordubadi küçəsinin sakinləri adından,
Salamulla Abdullayev, şəhid atası