Bizə yazırlar. Şəhid anası kömək istəyir

Hörmətli redaksiya!
Mən Şəhriyar kəndinin şəhid anası kimi sizə müraciət edirəm. Oğlum Nadirov Siyasət Kamil oğlu Vətənimizin ərazi bütövlüyü uğrunda gedən II Vətən müharibəsində qəhrəmancasına şəhid olub.
1975-ci ildə tikilən evimin arxa divarı uçub, onu çətin də olsa təmir etdirmişəm.
Ancaq yol sarıdan dad döyürəm. Həyətimizə maşın girə bilmir, çünki yolum bataqlıqdı. Təcili yardım maşını belə gəlməyə çəkinir. Yola torpaq da tökülüb. Ancaq onu hamarlayan yoxdur. 4-5 ay bundan əvvəl icra nümayəndəsinə, bələdiyyəyə demişəm, ancaq bu günədək qulaqardına vururlar. Mənə kömək edin.

Məmləkət NADİROVA,
Şəhriyar kənd sakini,
şəhid anası