Ölkəmizdə, o cümlədən Sabirabadda koronavirusun yayılmasına qarşı mübarizə şəraitində mal-qaranın küçə kəsimi problemi aktual olaraq qalır.
Sabirabadda heç ət satışı məntəqələrinə diqqət yetirmisinizmi? Kəsilmiş heyvanların başı bir tərəfdə, ayaqları o biritərəf də. Qan, qoxu... Özüdə koronavirusun tüğyan etdiyi bir vaxtda.
...Heç yadımdan çıxmır. Qızmar yay günlərinin birində rayonumuza məcburi köçkünlərə baş çəkmək üçün Avropadan qadın jurnalist gəlmişdi. Qərbin hərşeyi, təmizliyi belə Şərqdən öyrəndiklərini ona israrla izah edirdim. O isə mənə cavabında əliilə heyvan kəsimi yerlərini işarə edərək qarmaqdan asılmış heyvan başlarını, “darağacları”nı göstərdi...
Sanitar normaların və baytarlıq nəzarətinin təşkili formasının açıqlanmasına baxmayaraq, ət kəsimi məntəqələrində bu gündə həmin hallarla qarşılaşırıq.
“Muğanınsəsi”nin müxbiri şəhərin müxtəlif küçələrində və bazarda mal-qara kəsimi və ət satışının fotoşəkillərini çəkib. Tam antisanitariya şəraitində heyvanın baş-ayağı mağazanın qarşısındakı “darağacı”ndan asılıb.
Rayon Baytarlıq idarəsi və digər aidiyyatı qurumlar bu barədə ciddi düşünməlidirlər.
İ. DƏMİRQAYA
