Regional Mədəniyyət İdarəsində Milli Qurtuluş Günü münasibətilə tədbir təşkil edilmişdir

“15 iyun – Milli Qurtluş Günü” ilə əlaqədar Sabirabad rayon Mədəniyyət Mərkəzində tədbir keçirilmişdir.

Yeni Azərbaycan Partiyası Sabirabad rayon təşkilatının və Sabirabad Regional Mədəniyyət İdarəsinin birgə təşkilatçılığı ilə keçirilən tədbirdə YAP rayon təşkilatının sədri Varis Rüstəmov, idarə rəisi Fərid Qurbanzadə, təşkilatın və idarənin əməkdaşları, eləcə də mədəniyyət işçiləri iştirak etmişlər.
Tədbirdə çıxış edən rayon partiya təşkilatının sədri Varis Rüstəmov, idarə rəisi Fərid Qurbanzadə və digərləri çıxış edərək, Ulu Öndər Heydər Əliyevin hakimiyyətə qayıdışından, onun layiqli davamçısı Prezident cənab İlham Əliyevin mədəniyyət sahəsinə göstərdiyi diqqət və qayğıdan, həmçinin Yeni Azərbaycan Partiyasının ümumi fəaliyyətindən söhbət açmışlar.
Sonda partiya üzvlüyünə yeni qəbul olun­muş 4 nəfərə üzvlük biletləri təqdim edilmiş, Sabirabad Regional Mədəniyyət İdarəsinin rəisi Fərid Qurbanzadə YAP Sabirabad rayon təşkilatının ictimai-siyasi həyatında səmərəli fəaliyyətinə görə təşkilatın Fəxri Fərmanı ilə təltif edilmişdir.