KİNO GÜNÜ QEYD OLUNUB

Sabirabad Regional Mədəniyyət İdarəsinin təşkilatçılığı və Sabirabad rayon Mədəniyyət Mərkəzi tərəfindən 2 Avqust - Milli Kino günü ilə əlaqədar tədbir keçirilib. Tədbiri giriş sözü ilə Sabirabad Regional Mədəniyyət İdarəsinin rəisi Fərid Qurbanzadə açaraq, Azərbaycanda kino sənətinin bir əsrdən artıq dövr ərzində əlamətdar hadisələrlə zəngin özünəməxsus inkişaf yolu keçdiyini və xalqımızın mədəni-mənəvi həyatında mühüm rol oynadığını tədbir iştirakçılarının diqqətinə çatdırıb.
Sonra mədəniyyət müəssisələri əməkdaşlarının iştirak etdiyi tədbirdə Mədəniyyət Nazirliyinin sifarişi ilə C.Cabbarlı adına "Azərbaycanfilm" kinostudiyasının istehsal etdiyi ”Azərbaycan kinosunun yaranması və inkişafı” adlı sənədli film nümayiş olunub.