Mədəniyyət idarəsində məzunlarla görüş

Sabirabad Regional Mədəniyyət İdarəsində uşaq musiqi məktəbləri üzrə orta və ali məktəblərin musiqi ixtisasına qəbul olunan məzunlarla görüş keçirilmişdir.
Görüşdə Sabirabad Regional Mədəniyyət İdarəsinin rəisi Fərid Qurbanzadə çıxış edərək, məzunları təbrik etmiş, onlara gələcək həyatlarında uğurlar arzulamış, həmçinin Azərbaycan Prezidenti cənab İlham Əliyevin və Birinci vitse-prezident Mehriban xanım Əliyevanın mədəniyyətimizin inkişafına göstərdikləri diqqət və qayğıdan söz açmışdır.
İdarənin xidməti əhatəsindəki uşaq musiqi məktəblərinin direktorları da çıxış edərək, regionda ilk dəfə olaraq təşkil olunan bu tədbirdən dolayı öz minnətdarlıqlarını bildirmişlər.
Daha sonra tədbirdə iştirak edən məzunlara Mədəniyyət İşçiləri Həmkarlar İttifaqının region üzrə şəhər və rayon komitələrinin hədiyyələri təqdim olunmuşdur.
Sonda xatirə şəkili çəkdirilmişdir.
/Muğanın səsi/