Mədəniyyət Mərkəzində tədbir

Azərbaycan bəstəkarlıq məktəbinin banisi Üzeyir Hacıbəylinin doğum günü və 18 sentyabr - Milli Musiqi Günü münasibətilə Sabirabad Regional Mədəniyyət İdarəsinin Sabirabad rayon Mədəniyyət Mərkəzi tərəfindən tədbir təşkil edilmişdir.
Tədbirdə Sabirabad Rayon İcra Hakimiyyəti başçısının birinci müavini Həsən Həsənov və Sabirabad Regional Mədəniyyət İdarəsinin rəisi Fərid Qurbanzadə çıxış edərək, tədbir iştirakçılarını Milli Musiqi Günü münasibətilə təbrik etmiş, Üzeyir Hacıbəylinin həyat və yaradıcılığından danışmış və onun əsərlərini Azərbaycan musiqisinin ən gözəl nümunələri kimi dəyərləndirmişlər.
Daha sonra tədbir iştirakçılarına Üzeyir Hacı­bəylinin həyat və yara­dıcılığından bəhs edən qısametrajlı film nümayiş olunmuşdur.
Tədbir Sabirabad şəhər Ü.Hacıbəyli adına Uşaq Musiqi məktəbinin müəllim və şagirdlərinin ifasında maraqlı konsert proqramı ilə davam etmişdir.