Şəhid Elxanın qardaşı dünyaya gəldi və adını da Elxan qoydular

Elxan Aris oğlu Rzayev Vətən müharibəsi zamanı Cəbrayılın və Qubadlı rayonunun azadlığı uğrunda gedən döyüşlərdə iştirak edib. O, 2020-ci il noyabrın 1-də Qubadlı döyüşləri zamanı şəhid olub.
Vətən müharibəsinin şəhidi Elxan Rzayev evin tək oğlu idi və nişanlanmışdı. Atası Aris kişi oğlunun toy məclisi üçün də bütün hazırlığını görmüşdü. Ali təhsilli Elxan Qaraqaşlı kənd tam orta məktəbində informatika dərsi deyirdi. Hər bir şəhid ailəsində olduğu kimi, Aris kişinin də evində həmişə dərin hüzn var idi.
Aprelin 29-da ailədə xoş bir xəbər ətrafa yayıldı. Elxanın qardaşı dünyaya gəldi və adını da Elxan qoydular. İnşallah, adına da layiq övlad olacaq.
Deputatımız Kamal Cəfərov şəhi­din ailəsində olub, onlara gözaydınlığı verib.