Sabirabad Rayon İcra Hakimiyyətinin başçısı Quruzma kəndində səyyar görüş-qəbul keçirib

Quruzma kənd İnzibati Ərazi Dairəsinə daxıl olan Quruzma, Qaraqaşlı, Kovlar, Qəzli və Yenikənd kənd sakinləri ilə Quruzma kəndində keçirilən görüş-qəbulda Rayon İcra Hakimiyyətinin başçısı Siraqəddin Cabbarov çıxış edərək kənd sakinlərini salamlayıb və onlara ölkəmizdə sosial-iqtisadi sahədə qazanılan uğurlardan, eləcə də Sabirabad rayonunda aparılan tikinti-quruculuq, abadlıq işlərindən, əhalinin sosial problemlərinin həlli istiqamətində həyata keçirilən tədbirlərdən ətraflı məlumat verib.
Səyyar görüş-qəbulda çıxış edən kənd sakinlərindən Şahin Abbasov, Ceyran Heybətova, Şamil Əliyev, İsrayıl Həsənov və başqaları kəndin mövcud problemlərindən danışıblar.
Səyyar görüşdə vətəndaşlar tərəfindən qaldırılan məsələlərin bir qismi yerindəcə öz həllini tapıb, digər məsələlərin həlli ilə bağlı Rayon İcra Hakimiyyətinin başçısı aidiyyatı təşkilatların rəhbərlərinə müvafiq tapşırıq və göstərişlər verib.