Şəhid mayor Anar Məmmədovun xatirəsi yad edilib

Vətən müharibəsi şəhidi mayor Məmmədov Anar Elşad oğlunun əziz xatirəsi onun şərəfinə inşa edilmiş abidə bulaq-kompleksinin önündə ehtiramla yad edilib.
Anım mərasiminə gələn rayon rəsmiləri, ictimaiyyət nümayəndələri, şəhidin dostları və ailə üzvləri Anar Məmmədovun məzarı üzərinə çiçəklər düzüb, xatirəsini ehtiramla anıblar. Mərasimdə çıxış edənlər vətənpərvər, el-obaya bağlı olan şəhidin həyat tarixçəsindən xatirələr söyləyib, Prezident, Ali Baş Komandan İlham Əliyevin rəhbərliyi ilə Vətən müharibəsində qazanılan Qələbənin tarixi əhəmiyyətindən danışıblar, Anarın və onun kimi şəhidlərimizin qanının yerdə qalmadığını, 44 gündə düşmənin diz çökdürüldüyünü vurğulayıblar.
Şəhidin ailə üzvləri şəhidlərimizə göstərilən diqqət və qayğıya görə dövlətimizin başçısına minnətdarlıqlarını bildirib, mərasimə gələnlərə təşəkkür ediblər.
Allah bütün şəhidlərimizə rəhmət eləsin, ruhları şad olsun!