Vətən Sizinlə qürur duyur! Əbədiyyətdəki əziz ünvanlarımız - Şəhidlər ölməz, Vətən bölünməz!

Qarayev Süleyman Əlibaxış oğlu 3 iyul 1995-ci ildə Sabirabad rayonunun Qalağayın kəndində anadan olub. Orta təhsilini M.Ə. Sabir adına 1 saylı məktəbdə alıb, Azərbaycan İqtisad Universitetində ali təhsilini başa vurub. Sonra əsgəri xidmətə yollanıb, ordu sıralarında yaxşı snayperçi kimi tanınıb. Sonrakı illərdə ixtisasına uyğun bir sıra işlərdə çalışıb, hansı sahədə işləyibsə həmişə barəsində xoş sözlər deyilib. 2020-ci ilin sentyabrın 21-də hərbi səfərbərliyə alınıb, təlimdən sonra Ağdam uğrunda gedən döyüşlərə qatılıb və orada şəhid olub.
Vətən uğrunda gedən döyüşlərdə torpaqlarımızı işğaldan azad edərək xalqımıza Qələbə sevinci bəxş edən, bu yolda canından, qanından keçən qəhrəman Vətən oğulu Süleyman Qarayevin anım günü rayonun aidiyyəti dövlət təşkilatlarının və ictimaiyyət nümayəndələrinin iştirakı ilə məzarı yanında qeyd edilib.