Əbədiyyətdəki əziz ünvanlarımız - Şəhidlər ölməz, Vətən bölünməz!

Həyat nə qədər şirin olsa da, ölüm heç bir insan övladının qaça bilməyəcəyi tale yazısıdır. Amma Allah qatında seçilmiş elə insanlar var ki, onlar ölmür, cismən bu dünyanı tərk edib, ruhən Yaradana - əbədiyyətə qovuşurlar. Ölümlərin ən şərəflisi də deyirlər buna. Bu, müqəddəs şəhidlik zirvəsidir ki, hər kəsə qismət olmaz.
Vətən uğrunda gedən döyüşlərdə torpaqlarımızı işğaldan azad edərək xalqımıza Qələbə sevinci bəxş edən, bu yolda canından, qanından keçən qəhrəman Vətən oğullarından olan Sabirabad rayonundan şəhid Bahadurov Anar Süleyman oğlu (Sabirabad şəhəri), Hüseynov Əfsun Mətləb oğlu (Beşdəli kəndi), Əhmədov Bəhruz Səttar oğlunun (Qalağayın kəndi) xatirə günləri rayon icra hakimiyyəti başçısı aparatının məsul əməkdaşları, gənclər və idman idarəsinin, YAP rayon təşkilatının və ictimaiyyətin nümayəndələrinin iştirakı ilə məzarları yanında qeyd edilmişdir.