“Normal qazın verilişi təmin olunmuşdur”

Bizə cavab verirlər

“Muğanın səsi” qəzetinin 8 dekabr 2020-ci il tarixli 26-cı nömrəsində və “Muganinsesi.az” internet səhi­fəsində verilmiş “Qazın təzyiqi o qədər aşağıdır ki, əlimizi belə isitmir. Odun peçinə möhtac qal­mışıq” sərlövhəli tənqidi müraciətdə Qasımbəyli kəndinin bir qrup sakini mavi qazın təzyiqinin olmamasından şikayətlənirdi.
Qəzetdə qaldırılan məsələnin həlli ilə bağlı Salyan RQİİ-nin Sabirabad rayonu üzrə rəis müavini Qənimət Səmədovdan aldığımız cavab məktubunu olduğu kimi dərc edirik:
“Hörmətli redaksiya,
Salyan Regional Qaz İstismar İdarəsinin Sabirabad Xidmət Sahəsinə 11 dekabr 2020-ci il tarixində daxil olmuş 19 saylı məktubunuza cavab olaraq bildirirəm ki, Qasımbəyli kənd sakinlərinin mavi qazın təzyiqinin aşağı olması şikayəti yerində araşdırılmış və tərəfimizdən lazım olan texniki tədbirlərin görülməsi nəticəsində normal qazın verilişi təmin olunmuşdur”.