Şəhidin xatirəsi anılıb

Vətən Müharibəsinin şəhidi Abbaslı Elgiz Fuad oğlunun doğum günündə xatirəsi anılıb. Rayon rəsmləri, şəhidin qohumları və yaxınları Elgiz Abbaslının əziz xatirəsini ehtiramla yad ediblər. YAP Sabirabad rayon təşkilatının sədri Varis Rüstəmov və digər çıxış edənlər Vətən müha­ribəsində qazanılan şanlı Qələ­bənin Azərbaycan tarixində əbədi qalacağını bildiriblər.
Xatırladaq ki, ailənin tək oğul övladı olan Elgiz Abbaslı 1998-ci il mayın 21-də Sabirabad rayonunun Cavad kəndində anadan olub. O, 2020-ci il sentyabrın 27-də ölkəmizin ərazi bütövlüyünün bərpa olunması uğrunda başlanan Vətən müharibəsi zamanı Cəbrayıl istiqamətində gedən döyüşlərdə qəhrəmancasına şəhid olub.
Elgiz Abbaslı ölümündən sonra “Vətən uğrunda”, “Cəbrayılın azad olunmasına görə”, “Qubadlının azad olunmasına görə” və "Cəsur döyüşçü" medalları ilə təltif edilib.