Şəhidin xatirəsi anılıb

Şəhid Əliyev Vahab Ramiz oğlunun doğum günü anılmışdır.
Rayon İcra Hakimiyyətinin, YAP rayon təşkilatının və digər qurumların əməkdaşları, kənd sakinləri və şəhidin ailə üzvləri şəhid Vahab Əliyevin məzarını ziyarət etmiş, xatirəsini böyük ehtiramla anaraq məzarı üzərinə gül dəstələri qoymuş, ruhuna dualar oxunmuşdur.
Vahab Əliyev 1997-ci il martın 24-də Sabirabad rayonunun Bulduq kəndində anadan olmuşdur. Vahab ailədə 4 bacının tək qardaşı idi. 2020-ci il sentyabrın 27-də könüllü olaraq Vətən müharibəsinə yola düşüb. Cəbrayıl, Füzuli, Zəngilan və Qubadlı istiqamətində gedən döyüşlərdə qhrəmancasına iştirak edib. Son döyüşü Qubadlıya girən zaman olub. Vahab Əliyev 4 noyabr 2020-ci ildə Qubadlı istiqamətində gedən ağır döyüşlərdə şəhadətə yüksəlib.
Əliyev Vahab Ramiz oğlu Azərbaycan Respublikasının Prezidenti İlham Əliyevin Sərəncamına əsasən “Vətən uğrunda” və “Qubadlının azad olunmasına görə” medalları ilə təltif edilib.