Mədəniyyət Mərkəzinin əməkdaşlarının iştirakı ilə Ulu öndər Heydər Əliyevin anım günü ilə əlaqədar tədbir

9 dekabr 2022-ci il tarixində Heydər Əliyev Mərkəzində Sabirabad rayon Mədəniyyət Mərkəzinin əməkdaşlarının iştirakı ilə Ulu öndər Heydər Əliyevin anım günü ilə əlaqədar tədbir keçirildi.
Tədbirdə çıxış edən Heydər Əliyev Mərkəzinin bələdçisi Nərmin Mehdiyeva çoxəsrlik Azərbaycan tarixində misilsiz xidmətləri ilə əbədiyaşar mövqe qazanmış tarixi şəxsiyyət, görkəmli dövlət və ictimai xadim Heydər Əliyevin ölkəyə rəhbərlik etdiyi dövrdə həyata keçirdiyi xidmətlərindən, həmçinin Sabirabad rayonuna səfəri zamanı partiya-təsərrüfat fəalları və kənd zəhmətkeşləri ilə görüşündən, xatirələrindən, ulu öndərin elm, təhsil, mədəniyyət sahələrinin inkişafında göstərdiyi əvəzolunmaz xidmətlərdən söz açıb.
Sonda tədbir iştirakçıları Ulu öndərin həyat və fəaliyyətini əks etdirən guşəyə baxış keçirib.