• 09:00 – Ulu Öndər Azərbaycanda, hətta bütün Türk dünyasında böyük ehtiramla yad edilir 
  • 15:45 – Pensiyalar nə qədər artacaq? 
  • 10:58 – Mərkəzi Bazardakı yanğının vurduğu ziyanın miqyası məlum olub 
  • 20:12 – İş və istirahət günlərinin yerləri dəyişdirildi 
  • 17:09 – Müstəqil dövlətimizlə qürur duyur və fəxr edirik 

Şanxay Əməkdaşlıq Təşkilatı çərçivəsində əməkdaşlığın yeni mərhələsi başlayır

  • 20.09.2022, 17:46, Baxış sayı:
  • 305
Şanxay Əməkdaşlıq Təşkilatı çərçivəsində əməkdaşlığın yeni mərhələsi başlayır
Bütün dövlətlərlə bərabərhüquqlu, qarşılıqlı hörmət və maraqlar prinsipi əsasında əməkdaşlıq əlaqələri quran Azərbaycan dünya birliyinin fəal üzvü kimi hər bir məsələdə söz sahibliyini, sözünün imzası qədər əhəmiyyətli olduğunu təsdiqləyir. Dövlət başçısı İlham Əliyevin Özbəkistan Prezidenti Şavkat Mirziyoyevin dəvəti ilə Şanxay Əməkdaşlıq Təşkilatına üzv ölkələrin Sammitinə fəxri qonaq kimi qatılması və bu tribunadan Azərbaycan reallıqlarını beynəlxalq ictimaiyyətin diqqətinə çatdırması da deyilənlərin təsdiqidir. Prezident İlham Əliyev təşkilatın Səmərqənd Sammitində hazırkı dövrün əsas çağırışlarını, vacib mesajları səsləndirərək Azərbaycanın yeni dövrün tələbləri ilə bağlı mövqeyini açıqladı. Sözügedən Sammitin yekununda qəbul edilən Bəyannamədə regional sabitliyin, təhlükəsizliyin və davamlı iqtisadi inkişafın təmin edilməsi, nəqliyyat əlaqələrinin gücləndirilməsi kimi məsələlər öz əksini tapıb. Azərbaycanın dünyaya nümunə olan inkişaf modeli ölkəmizin qlobal məsələlərin həllinə öz töhfələrini verməsində əhəmiyyətli rol oynayır. Nəzərə alaq ki, son iki ilə yaxın dövrün əsas məsələlərindən biri tarixi Zəfərimizin yaratdığı reallıqlar fonunda bölgədə dayanıqlı sülhün və təhlükəsizliyin təmin edilməsi, Ermənistanla münasibətlərin normallaşdırılması üçün sülh müqaviləsinin imzalanmasıdır. Prezident İlham Əliyev Səmərqənd Sammitindəki çıxışında bu məsələlərə xüsusi diqqət göstərdi.
Qeyd etdiyimiz kimi tarixi Zəfərimizin yaratdığı yeni reallıqlar əməkdaşlıq üçün yeni imkanlar açır. Belə ki, Zəngəzur dəhlizinin açılması böyük perspektivlər vəd edir. Dövlət başçısı İlham Əliyev Sammitdəki çıxışında bildirdi ki, 2020-ci ilin sonunda Qarabağ münaqişəsinin həlli regionumuzda nəqliyyat-kommunikasiya layihələrinin inkişafı üçün yeni imkanlar yaradıb. Zəngəzur dəhlizi açıldıqdan sonra bu, region ölkələrinin nəqliyyat imkanlarını daha da artıracaq və marşrut boyu yerləşən bütün ölkələr üçün faydalı olacaq.
Bu reallıq inkaredilməzdir ki, Azərbaycan Şərq-Qərb və Şimal-Cənub nəqliyyat dəhlizləri kimi regional kommunikasiya layihələrinin işə düşməsinə sanballı töhfələr verir. Statistik rəqəmlər də bunun təsdiqidir. Hazırda Bakı Beynəlxalq Dəniz Ticarət Limanı ildə 15 milyon ton yükaşırma qabiliyyətinə malikdir və bu, ildə 25 milyon tona qədər artırıla bilər. Bu ilin ilk 7 ayında Azərbaycan ərazisindən keçən tranzit 50 faizə yaxın artıb.
Azərbaycan hər bir ölkənin inkişafında mühüm amil olan dayanıqlı iqtisadi inkişafın təmin olunması istiqamətində atdığı addımları ilə diqqətdədir. Ölkəmizin malik olduğu enerji resurslarından səmərəli istifadəsi, reallığa çevirdiyi enerji və nəqliyyat layihələri iqtisadi, siyasi mövqeyinin möhkəmləndirilməsində mühüm rol oynayır. Yeni dövrün reallıqları yeni əməkdaşlıq formatlarının yaradılmasını tələb edir. Qeyd etdiyimiz kimi, əsas məsələ regionda sülhün və təhlükəsizliyin təmin olunmasıdır.
Dövlət başçısı İlham Əliyev Şanxay Əməkdaşlıq Təşkilatının tribunasından bir daha bu çağırışı etdi ki, bəzi aparıcı beynəlxalq təşkilatların səmərəsizliyi narahatlıq doğurur. Diqqəti Ermənistan silahlı qüvvələrinin sentyabrın 13-də Azərbaycan-Ermənistan sərhədində törətdiyi genişmiqyaslı hərbi təxribatlara yönəldən cənab İlham Əliyev bəyan etdi ki, Azərbaycan silahlı qüvvələri bu təxribatın qarşısını qətiyyətlə almışdır. Ermənistanın bu təxribatı iki ölkə arasında normallaşdırma prosesinə böyük bir zərbədir. Buna görə bütün məsuliyyət Ermənistanın hərbi-siyasi rəhbərliyinin üzərinə düşür.
Hazırkı dövrün reallıqları Azərbaycanın regionda və dünyada artan mövqeyini nümayiş etdirir. Şanxay Əməkdaşlıq Təşkilatı çərçivəsində əməkdaşlığın yeni mərhələsi başlayır. Azərbaycanın bu mərhələdə əsas tərəfdaşlardan biri kimi iştirakı ölkəmizin, Prezident İlham Əliyevin nüfuzunun göstəricisidir.

Fatma Hüseynova,
Sabirabad rayonu Qaratəpə bələdiyyəsinin sədri,
Sosialist Əməyi Qəhrəmanı, 1 dərəcə Əmək ordenli
Maqazin
  • Son əlavə olunanlar
  • Ən çox oxunanlar
InvestAZ
Sosial Media
  • Facebook
  • Twitter