“Ağır xəstəlikdən əziyyət çəkirəm, ancaq pensiyamı dayandırıblar”

2021-ci ilin noyabr ayınadək II qrup əlilliyə görə sosial pensiya almışam.
Müraciətimdən sonra rayon Poliklinikasından xəstəliyimi təsdiq edən yeni sənəd almaq üçün mənə Topçubaşov adına Elmi Tədqiqat İnistitutuna göndəriş verdilər. Inistitutdan müvafiq sənədi alaraq komissiyadan keçmək məqsədilə Sabirabad rayon Poliklinikasına təqdim etdim. Həkim komissiyasından 2021-ci ilin noyabr ayının 10-da keçdikdən sonra sənədlərim elektron formada aidiyyəti mərkəzə təşkilata göndərildi. Mənə dedilər ki, cavabı telefonuna gələcək, mesajla biləcəksən. Lakin cavab almadım. Bir müddət sonra Poliklinikadan bildirdilər ki, imtina cavabı gəlib.
Hal-hazırda ağır xəstəlikdən- bağırsaq keçməməzliyindən əziyyət çəkirəm, ancaq pensiyamı dayandırıblar. Dava-dərmanlarımı belə ala bilmirəm.
Xahiş edirəm kömək edin.
Bünyadova Yeganə Mənsim qızı, Sabirabad rayonu,
Nərimankənd kəndi