Aktyor və videobloqqerlə görüş keçirilib

Sabirabad rayon Mədəniyyət Mərkəzində aktyor və videobloqqer Taleh Yüzbəyovla görüş keçirilmişdir.
Görüşdə Sabirabad Regional Mədəniyyət İdarəsinin xidməti əhatəsindəki şəhər və rayonlarda kino sənətinin inkişaf etdirilməsi, bu sahə üzrə maarifləndirmə işinin təşkili, kino sistemində kadr hazırlığı prosesinin təkmilləşdirilməsi istiqamətində ətraflı fikir mübadiləsi aparılmışdır. Regional Mədəniyyət İdarəsinin rəisi Fərid Qurbanzadə çıxış edərək bu istiqamətdə aparılan işlərdən danışmış və səmərəli görüşə görə T.Yüzbəyova razılığını ifadə etmişdir.
Daha sonra Taleh Yüzbəyovun çəkdiyi, tammetrajlı bədii «Zəhər tuluğu» filmi nümayiş olunmuşdur.
Ssenari müəllifləri Orxan Mərdan, Taleh Yüzbəyov, Pərviz Həsənov və Cəlil Cavanşirin olduğu “Zəhər tuluğu” filmi tamaşaçılar tərəfindən böyük maraqla qarşılanmışdır.
“Muğanın səsi”