Sabirabad şəhərinin mərkəzində bir emalatxana var. Neçə illərdir ki, burada öz işi ilə nəinki sabirabadlıların, eləcə də qonşu rayonların sakinlərinin sevimlisinə çevrilmiş usta Mirismayıl çalışır. O, katric doldurulması, printer təmiri ilə məşğuldur.
Özünün dediyinə görə, qazandığı hörmət və izzətin mərkəzində onun bu sənətin incəliklərinə dərindən bələd olması və camaatın səmimi münasibəti durur.
Məlumat üçün qeyd edək ki, Mirismayıl Mirağa oğlu Tağıyev 15 fevral 1992-ci ildə Sabirabad şəhərində anadan olub, burada boya-başa çatıb. 10 ildir ki, idarə və müəssisələrdə, məktəblərdə xidmət göstərir.
Usta ilə söhbət zamanı o, bildirdi: “Printerlərə vaxlı-vaxtında qulluq göstərmək lazımdır. Bu zaman onların detalları uzun ömürlü olar”.
Əhalinin imkansızlığından söz açan usta onu da vurğuladı ki, hərdən müştərilərin “imkan yoxdur” deməsi ilə də razılaşır.
Usta Mirismayıl sonda onu da vurğuladı ki, möhtərəm Prezidentimiz, Ali Baş Komandan cənab İlham Əliyevin rəhbərliyi ilə şanlı Azərbaycan Ordusu düşmən üzərində layiqli qələbə qazandı.Tarixi Qələbə bizi ürəkdən sevindirir.
E. NƏSİB,
“Muğanın səsi”
