“Tənqidi yazıda göstərilən faktlar doğru çıxmışdır”

“Muğanın səsi” ictimai-siyasi qəzetinin 18 oktyabr 2021-ci il tarixli 72-ci nömrəsində dərc edilmiş “Şəhərin mərkəzi prospektində biabırçı mənzərə: İNƏKLƏRİN “PARADI”” sərlövhəli tənqidi yazıda qaldırılan məsələnin həlli ilə bağlı Sabirabad rayon İcra Hakimiyyətinin şəhər İnzi­bati Ərazi Dairəsi üzrə nümayəndəsi Sübhan Xəlilovun imzası ilə aldığımız cavab məktubunu olduğu kimi dərc edirik:
“Hörmətli redaksiya,
“Muğanın səsi” qəzetinin 18 oktyabr 2021-ci il tarixli 72-ci nömrəsində və “muganinsesi.az” internet səhifəsində verilmiş “Şəhərin mərkəzi prospektində biyabırçı mənzərə “İnəklərin paradı” başlıqlı tənqidi yaıda göstərilən faktların doğru olduğu tərəfimizdən öz təsdiqini tapmışdır. Bu kimi çatışmamazlıqların aradan qaldırılması üçün nümayəndəlikdə bir sıra tədbirlər həyata keçirilmişdir. Belə ki, 01 noyabr 2021-ci il tarixli 204 saylı Rayon Yaşıllaşdırma sahəsinə göndərilən məktubda bu sahəyə nəzarəti gücləndirmək məqsədilə şəhər ərazisinə mal-qaranın baraxılmaması üçün gözətçilərin məsuliyyətinin və onların sayının artırılması tövsiyyə edilmişdir.
Şəhərdə yaşıllıqların mai-qaradan qorunması şəhər icra nümayəndəliyinin daima diqqət mərkəzində olmuş və bu işə nəzarət gələcəkdə də güc­ləndiriləcəkdir”.
[/b]