Son vaxtlar sosial şəbəkələrdə və o cümlədən, Youtube portalında Sabirabad şəhəri, H.Əliyev prospekti bina 5, mənzil 10-da yaşayan Məmmədova Gülnaz Fətulla qızının Sabirabdad rayon icra hakimiyyətinin başçısı tərəfindən şərəf və ləyaqətinin təhqir olunması barədə video müraciətində dedikləri əsassız və qərəzlidir.
Bildiririk ki, 1-ci Qarabağ müharibəsi iştirakçısı Gülnaz Məmmədova xəstəliyi və maddi imkansızlığı ilə bağlı köməklik göstərilməsi barədə dəfələrlə rayon İcra Hakimiyyətinə müraciətlər etmiş və bu gün də müraciətlərini davam etdirir. Onun müraciətlərinə hər dəfə rayon İcra Hakimiyyətində baxılmış, ona ümumilikdə 500 manat maddi köməklik göstərilmiş, sonuncu dəfə isə ona cari ilin iyun ayında 100 manat verilmişdir.
Rayon İcra Hakimiyyətinin təşəbbüsü ilə artıq 2 ildir ki, Gülnaz Məmmədova və onun ailə üzvləri işlə təmin olunmuşdur. Hazırda Gülnaz Məmmədova, övladları Məmmədov Kərim Həsən oğlu və Fətullayev İlqar Adil oğlu “DOST İş Mərkəzi” MMC-də ictimai işlərə cəlb olunmaqla hər biri ayda 250 manat, ümumilikdə 750 manat əmək haqqı alırlar.
Gülnaz Məmmədovanın müraciətində rayon icra hakimiyyəti başçısının onun şikayətini dinləmədən təhqir etməsi barədə dedikləri şər-böhtandır. Gülnaz Məmmədova izahat verərək əsəbi halda video müraciət etdiyini, rayon icra hakimiyyətinin başçısı tərəfindən heç bir zaman təhqir olunmadığını qeyd etmiş və rayon rəhbərinə öz üzürxahlığını bildirmişdir.