• 13:08 – İlham Əliyev Hacıqabuldadır 
  • 20:22 – Ramazan bayramına görə 1 həftə iş olmayacaq - Rəsmi 
  • 14:38 – QHT-lərə Dövlət Dəstəyi Agentliyi yaradıldı - FƏRMAN 
  • 14:33 – İlham Əliyev yarımstansiyaların açılışında 
  • 16:24 – Prezident fərman imzaladı 

Sabirabad icra hakimiyyəti sosial şəbəkədə yayılan məlumatı təkzib edir - Açıqlama

  • 13.03.2021, 16:06, Baxış sayı:
  • 51
Sabirabad icra hakimiyyəti sosial şəbəkədə yayılan məlumatı  təkzib edir - Açıqlama
Bəzi internet saytlarında Sabirabad rayon icra hakimiyyətinin başçısı Siraqəddin Cabbarovun rayonun Xəlfəli kənd sakini, şəhid anası Rəsulova Pakizə Rzaqulu qızını qəbul etməməsi barədə əsassız və qərəzli fikirlər yayılmışdır.
Bu barədə Sabirabad Rayonu İcra Hakimiyyətindən bildiriblər.
Məlumatda deyilir:
Yayılan böhtan xarakterli yazılarda 70 yaşı olduğu deyilən şəhid anası, Xəlfəli kənd sakini Rəsulova Pakizə Rzaqulu qızının əslində 45 yaşı vardır, hazırda qızı, kürəkəni və nəvəsi ilə birlikdə yaşayır. Şəhid anası icra başçısına qəbul üçün müraciət etmədiyini və bununla bağlı heç bir internet saytına da müsahibə vermədiyini bildirmişdir.
Qarabağ uğrunda gedən döyüşlərdə şəhid olan Rəsulov Ağacan Əfsər oğlu Xəlfəli kənd qəbiristanlığında dəfn olunmuşdur. Dəfn mərasimində rayon icra hakimiyyətinin başçısı öndə olmaqla rayonun bütün rəhbər şəxsləri iştirak etmiş, yas mərasiminin keçirilməsi üçün zəruri tədbirlər görülmüşdür. Cənab Prezidentin tapşırığına əsasən gələcəkdə yaşayış sahəsi ilə təmin olunması üçün şəhid ailəsinin mənzil növbəsinə götürülməsi ilə bağlı sənədləşmə işlərinə də başlanılmışdır.
Bildiririk ki, şəhid ailələri, Qarabağ müharibəsi əlilləri daima rayon İcra Hakimiyyətinin diqqət mərkəzindədir. Onları narahat edən problemlərin həlli ilə bağlı tərəfimizdən dərhal zəruri tədbirlər görülür. Həmçinin bu sıradan olan vətəndaşlarımızın münasib işlə təminatı istiqamətində də lazımi işlər görülür.
Həmçinin yayımlanan yazılarda göstərilən “digər faktlar” da eyni ilə şər-böhtan xarakterlidir.
Maqazin
InvestAZ
Sosial Media
  • Facebook
  • Twitter