“I qrup əlil oğlum Pərvin Məmmədliyə verilən sosial müavinət dayandırılıb. Hansı səbəbdən?”

Hörmətli redaksiya!
Oğlum Məmmədli Pərvin Səyyad oğlu 2014-cü ildə travma ilə doğulmuşdur. Ixtisaslı həkimlər 2015-ci ildən ona birinci qrup əlillik dərəcəsi təyin etmişlər.
Bu ilin fevralın 12-də növbəti dəfə Bakı uşaq nevroloji xəstəxanasında komissiya üzvləri A.Axundova, S.Səfərova, M.Mirzəliyeva, G.Musayeva, Y.Həsənbəyova və G.Kərimovanın rəyi ilə Pərvinə kvadropllqik spastik seribral iflic, spastik tetraparez intelektin və nitqin kobud geriliyi diaqnozu qoyulmuşdur. Qeyd edim ki, adı gedən xəstəxanadan oğluma əlil arabası verilməsi nəzərdə tutulub.
Ancaq 7 aydır ki, I qrup əlil oğlum Pərvin Məmmədliyə verilən sosial müavinət dayandırılıb. Hansı səbəbdən? Mərkəzi Xəstəxananın həkimləri də buna aydınlıq gətirə bilmir.
Bəlkə redaksiya aidiyyəti dövlət orqanlarından bu məsələyə cavab ala bildi.
Məmmədova Güleyzar Məzahir qızı,
Zal Qaraağac kənd sakini