Sabirabad rayonunda əhalinin COVİD-19 əleyhinə peyvənd olunması prosesi davam etdirilir

“Azərbaycan Respublikasında "COVID-19" xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq yanvarın 18-də başlanan peyvəndlənmə prosesi mərhə­ləli şəkildə davam edir.
Strategiyaya əsasən, hazırda 40 yaş və daha yuxarı şəxslərin "COVİD-19" xəstəliyinə qarşı vaksinasiyası aparılır.
Sabirabad rayon İcra Hakimiyyətinin başçısı Siraqəddin Cabbarov da “COVİD-19”-a qarşı peyvənd olunub. Ona birinci doza vaksin vurulub. İcra başçısı vaksin vurulduqdan 30 dəqiqə sonra özünü yaxşı hiss etdiyi üçün həkim nəzarətindən buraxılıb.
Xatırladaq ki, Sabirabadda yeni növ koronavirusa (COVID-19) qarşı peyvənd­ləmə prosesinə yanvarın 21-dən başlanılıb və ilkin olaraq tibb işçilərinin vaksinasiyası həyata keçirilib.
Qeyd edək ki, 27 mart 2021-ci il tarixə Sabirabad rayonu üzrə ümumilikdə 9369 COVİD-19 infeksiyasına qarşı vaksin edilib ki, onlardan 6096 nəfər birinci doza, 3273 nəfər isə ikinci doza peyvənd olunmuşdur.