"Düşünürəm ki, Laçınla yanaşı digər işğaldan azad olunmuş ərazilərə də köç olmalıdır. Bunun üstünlüyü ondan ibarətdir ki, mənfur düşmənlərimiz dağıtdığı torpaqlarda dirçəlişin mövcudluğunu başa düşməlidir. Vaxtilə oradan didərgin düşmüş sahibləri geri dönür. Eyni zamanda, artıq bir sıra erməni bloggerlər öz qeydlərində göstərir ki, vaxtilə Sarkisyan, Koçaryan və digərləri tərəfindən alt-üst edilmiş rayonlar yeni sahibləri tərəfindən bərpa olunur. Bu da onu göstərir ki, 90-cı illərdə baş vermiş bu hadisə müəyyən qüvvələr tərəfindən həyata keçirilib və məqsəd orada olan yeraltı təbii sərvətləri mənimsəmək, qeyri-qanuni məskunlaşma aparmaq, bunun nəticəsində qara biznes üzrə fəaliyyət göstərmək idi". Bu sözləri açıqlamasında iqtisadçı Rauf Qarayev deyib.
Onun sözlərinə görə, bunun səbəbi isə oranın nəzarətsiz qalması idi: "Bundan əlavə Laçın bir neçə baxımından əhəmiyyətlidir. Bildiyiniz kimi, orada dəhliz məsələsi var idi, hansı ki ermənilərin yeganə çıxış yolu bu ərazidən idi. Bu proses ona imkan verəcək ki, artıq genişmiqyaslı köç başlayacaq. Mənfur düşmənə kömək edən şimal qonşumuzun köməkliyi azalacaq. Nəzarət həm də vətəndaşlar tərəfindən olacaq. Bu köçlə separatizmi dəstəkləyən qüvvələrin əl-qolunu bağlamış oluruq. Dünya görür ki, o yerlərin əsl sahibi bizik. Sahibləri geri döndükdən sonra orada quruculuq işləri yüksək səviyyədə həyata keçirilir. Bu hələ başlanğıcdır".
İqtisadçı sözlərinə davam edərək bildirib ki, köç prosesi tədricən genişlənəcək: "Laçınlılar öz dədə-baba yurdlarına qayıdaraq orada bərpa və quruculuq işlərinə qoşulacaqlar. Bu köçün başlanması eyni zamanda, onların böyük arzularının gerçəkləşməsini göstərir. 30 il həsrətdən sonra artıq geri döndükdə Laçın onlar üçün daha da doğmalaşacaq.
Gənc yaşımda mənim üçün məcburi köçkünlərin şəraiti ilə tanış olmaq imkanı yaradılmışdı. O illərlə bağlı bir epizodu xatırlayıram. Həmin məcburi köçkünlərlə iş prosesi üçün Avropadan və ABŞ-dan gələn bir çox nümayəndələr var idi. Bizim Nazirlər Kabinetindən bir nümayəndəmiz qeyd edirdi ki, bu xarici nümayəndələri daha dözülməz hissələrə aparmaq lazımdır. Onda həmin adamların nə çəkdiyini anlamış olar".
[b]Müəllif: Ləman Əlizadə
https://sia.az/az/news/economy/1062826.html
