Gənclər və İdman naziri Fərid Qayıbov rayonumuzda səfərdə olub

Sabirabad rayonuna səfəri çər­çivəsində Sabirabad Olimpiya İdman Kompleksinin şəraiti ilə tanış olan Gənclər və İdman naziri Fərid Qayıbov idman qurğularının daha səmərəli və effektiv idarə edilməsi ilə bağlı fikir mübadiləsi aparıb, müvafiq tövsiyələr verib.
Kompleksdə mövcud idman böl­mələrində aktivliyin və peşəkar yanaşmanın artırılmasının, uşaq və gənclərin məşqlərə cəlb edilməsinin, idman qurğularında marketinq işinin müasir tələblər səviyyəsində qurulmasının vacibliyini vurğulayıb.
Səfər çərçivəsində Gənclər və İdman naziri Gənclər Mərkəzinin fəaliyyəti ilə də maraqlanıb. Bu mərkəzlərdə gənclər üçün daha da faydalı olacaq yeni bölmələrin yaradılması, yaradıcı gənclərlə işin yüksək səviyyədə təşkili üçün müvafiq tapşırıqlar verib.