Millət vəkili Fərid Hüseynovun ailəsini ziyarət edib

Millət vəkili Kamal Cəfərov 2-ci Qarabağ müharibəsi zamanı Azərbaycan Respublikası Silahlı Qüvvələrin Hava Hücumundan Müdafiə Qoşunlarında xidmət edən və 31 oktyabr tarixində Şuşa şəhəri istiqamətində gedən döyüşlər zamanı şəhid olan, ölümündən sonra isə 3 medalla təltif olunan şəhid Fərid Hüseynovun ailəsini ziyarət edib. Ziyarət zamanı şəhidin qəhrəmanlığından, vətənpərvərliyindən, Müzəffər Ali Baş Komandan, Prezident İlham Əliyevin rəhbərliyi ilə qazanılan Qələbədə şəhidlərimizin şücaətindən danışılıb, Vətən qarşısında öz borclarını ləyaqətlə yerinə yetirənlərin xatirəsinin xalq tərəfindən daim əziz tutulduğu bildirilib. Sonda ailəsi ilə xatirə olaraq fotoşəkil çəkdirilib.