Millət vəkili Əhliman Əmiraslanov şəhid ailələri və qazilərlə görüşmüşdür

Milli Məclisin Səhiyyə Komitəsinin sədri, millət vəkili, YAP Veteranlar şurasının üzvü, tibb elmləri doktoru, akademik Əhliman Əmiraslanov YAP Sabirabad rayon təşkilatında şəhid ailələri və qazilərlə görüş keçirmişdir.
Görüş zamanı deputat seçiciləri tərəfindən qaldırılan məsələlərin bəzilərini yerindəcə həll etmiş, həmçinin şəhid ailələri və qazilərin sağlamlığı ilə bağlı bütün lazımi tədbirlərin görüləcəyini bildirmişdir.
Seçicilərlə görüşdən sonra YAP Sabirabad rayon təşkilatı sədrinin səlahiyyətlərini yerinə yetirən Məleykə Ağayeva özünün layihə rəhbəri olduğu Sabirabad şəhidlərinin əziz xatirəsinə həsr olunmuş "Fatehlər" kitabını Əhliman Əmiraslanova hədiyyə etmişdir.