Salehdən QƏTİ QƏRAR: nə beyət edəcək, nə də təslim olacaq

"Bizim siyasi məqsədimiz - Əfqanıstan xalqına dövlətin təbiəti və quruluşu haqqında fikrini bildirməyə imkan verməkdir. Bu mövzuda danışıqlara biz hazırıq. Amma bizdən beyət və ya təslim olmaq istəsələr, bunu etməyəcəyik".
Publika.az "La Monde"yə istinadla xəbər verir ki, bunu Əfqanıstanın vitse-prezidenti Əmrullah Saleh deyib.
"Qanuna əsasən, hazırda ölkə başçısıyam. Bizim legitimliyimiz var. Zorla əldə edilən güc isə legitimlik vermir", - Saleh əlavə edib.
Qeyd edək ki, daha əvvəl Əmrullah Saleh bəyan edib ki, qaçan prezident Əşrəf Qənidən fərqli olaraq, o ölkəsində qalıb və Konstitusiyaya görə müvəqqəti dövlət başçısı sayılır.
O, həmçinin "Taliban"a müqavimət göstərməyə çağırıb.