Unutsaq unudularıq. Sosialist Əməyi Qəhrəmanı Həlimə Yusif qızı Abdullayeva

Həlimə Abdullayeva 1930-cu il iyulun 1-də Qərbi Azərbaycanın Sərdərabad rayonunun Şahverdi kəndində kolxozçu ailəsində anadan olmuşdur. 1944-cü ildə ailəvi Şəmkir rayonuna köçmüşlər. Həlimə Abdullayeva 1950-ci ildə ailə həyatı qurması ilə əlaqədar Sabirabad rayonunun Əsədli kəndinə köçmüşdür.
Pambıqçılıq təsərrüfatında çalışdığı illərdə yaxşı işi ilə həmişə nümunə göstərilmişdir. Ümumilli liderimiz Heydər Əliyev Sabirabad rayonuna hər gəlişində onunla görüşmüşdür. 1977-ci ildə Ulu öndərin şəxsi təbrik məktubunu almışdır. Onun əməyi layiqincə qiymətləndirilib. O, Lenin ordeni ilə təltif edilmiş və Sosialist Əməyi Qəhrəmanı fəxri adına layiq görülmüşdür. Həlimə Abdullayeva 2003-cü ildən Prezident təqaüdçüsü olmuşdur.
2016-cı ildə vəfat etmişdir.