Xalq artistləri Rübabə Muradova və Qulu Əsgərov Sabirabad Mədəniyyət evinin ilk solistləri, Əli Zeynalov isə aktyoru olub

Rübabə Muradova Ərdəbildən birbaşa Sabirabada gəlmiş, bir müddət bacısı Mahruq ilə burada yaşamış və Sabirabad Mədəniyyət evinin ilk solisti olmuşdur. Bu uzun hörüklü qızın nisgilli nəğmələrini sabirabadlılar bu gün də hörmətlə xatırlayırlar.
Görkəmli muğam ifaçısı Qulu Əsgərov da təkrarsız və ecazkar səsi ilə Sabitabadda şöhrətlənmişdir.
Ötən əsrin 50-ci illərində rayonda el şənlikləri onlarsız keçməzdi.
Azərbaycanın teatr və kino aktyoru, teatr və kino sənətində səhnə və ekran hadisələrini real həyat faktı kimi təqdim edən, yaratdığı maraqlı, dolğun rolları tamaşaçıların həmsöhbətinə çevirən istedadlı aktyorlarımızdan biri olun xalq artisti Əli Zeynalov da 4 aprel 1913-cü ildə Salyanda anadan olmasına baxmayaraq ilk fəaliyyətinə Sabirabad mədəniyyət evində başlayıb. Yerli teatrın səhnəsindəki maraqlı rolları bu gündə yaşlı nəslin yadından çıxmayıb