UĞURLARINIZ BOL OLSUN

Media Araşdırma Mərkəzi, Azər.KİVİHİ və “Təhsil Forumu” Sosial Platformasının birgə layihəsi əsasında 15 iyul 2023-cü il tarixdə Bakı şəhərində “Təhsil Sahəsində İctimai Fəalların Mükafatlandırma Mərasimi” keçirilmişdir. Tədbirdə respublikamızın fəal pedaqoqları, təhsil mütəxəssisləri, direktorlar, səhiyyə işçiləri, mədəniyyət xadimləri iştirak etmişlər. Yuxarıda adı çəkilən sahələrdə fərqlənən və xidmətləri olan təhsil və səhiyyə işçilərinin, mədəniyyət və incəsənət sahəsində fərqlənən insanların əməyi fəxri diplom və təltiflərlə qiymətləndirilmişdir. Sabirabad şəhər Nizami Gəncəvi adına 5 saylı tam orta məktəbin İngilis dili müəllimi Ellada Mirzayeva və İbtidai sinif müəllimi Günel Əhmədova da “İlin Fəal İngilis Dili Müəllimi”, “İlin Fəal İbtidai Sinif Müəllimi” fəxri diplomları və “Ulduz Kuboku” ilə təltif edilmişlər.
5 saylı məktəbin adı çəkilən müəllimlərini bu münasibətlə təbrik edirik və çalışdıqları həyati əhəmiyyət daşıyan təhsil sahəsində onlara yeni-yeni uğurlar, müvəffəqiyyətlər və ən əsası isə can sağlığı arzu edirik.

“Muğanın səsi”