Sabirabad Rayon İcra Hakimiyyətinin başçısı Həşimxanlı kəndində vətəndaşları qəbul edib

Sabirabad Rayon İcra Hakimiyyətinin başçısı Siraqəddin Cabbarov rayonun Həşimxanlı kəndində Həşimxanlı kənd İnzibati Ərazi Dairəsinə daxil olan Həşimxanlı və Ətcələr kəndlərinin sakinləri ilə səyyar qəbul keçirib.
İcra başçısı ölkə rəhbərinin tapşırıq və tövsiyələrini bir daha vətəndaşlara çatdırıb, rayonda aparılan tikinti-quruculuq və abadlıq işlərindən danışıb.
Sonra rayon rəhbəri sakinlərdən Mövsümağa Nuriyev, Elvin Xancanov, Rövşən Ağayev və başqalarının müraciətlərini dinləyib. Onlar yaşadıqları ərazilərin problemlərini rayon rəhbərinə çatdırıb, kömək göstərilməsini xahiş ediblər.
Səyyar qəbulda qaldırılan məsələlərin bir çoxu yerindəcə həll edilib, digərləri isə aidiyyəti təşkilatlara tapşırılaraq icrası nəzarətə götürülüb.