Məktəblərdə Xocalı soyqırımına həsr edilmiş xatirə dərsləri keçirilib

Sabirabad Rayon Təhsil Şöbəsinin tabeliyində fəaliyyət göstərən ümumtəhsil məktəblərində Xocalı soyqırımına həsr edilimiş xatirə dərsləri keçirilmişdir.
Tədris olunan dərslər Azərbaycanın müstəqilliyi uğrunda qurban gedən şəhidlərin və Xocalı qurbanlarının əziz xatirəsinin bir dəqiqəlik sükutla yad edilməsi ilə başlamışdır.
Dərsləri tədris edən müəllimlər 30 il bundan əvvəl Xocalının sakinlərinə qarşı erməni silahlı birləşmələrinin və Sovet ordusunun 366-cı motoatıcı alayının iştirakı ilə törədilən faciənin dəhşətlərindən söz açıblar. Xocalı soyqırımı ilə bağlı fikirlərini şagirdlərlə bölüşən müəllimlər bildirmişlər ki, erməni vandallarının törətdikləri bütün bu vəhşiliklər cavabsız qala bilməzdi. Və gün gəldi ki, xalqımız Ali Baş Komandan İlham Əliyevin rəhbərliyi altında “dəmir yumruq” kimi birləşərək 27 sentyabr 2020- ci il tarixində torpaqlarımız uğrunda azadlıq mücadiləsinə qalxdı. 44 günlük müharibədə şanlı ordumuzun düşmənə vurduğu sarsıdıcı zərbə Xocalı sakinləri də daxil, bütün millətimizin ürəyinə, sözün əsil mənasında su çilədi. Şəhidlərimizin qisası birəbir alındı, şanlı ordumuzun ağılasığmaz qələbələri sayəsində qisas qiyamətə qalmadı.