Cəsur döyüşçü olmağmla fəxr edirəm

Əsgərlik yaşım çatanda 2019-cu ilin iyulunda Sabirabad şəhəri, şəhid Mehman Məmmədov küçəsi, ev 32 ünvanından həqiqi hərbi xidmətə yollandım. Göranboy rayonunun “N” saylı hərbi hissəsində xidmət etməyə başladım. Sönra əsgəri xidmətimi Tərtər rayonunun “N” saylı hərbi hissəsində davam etdirdim.
Ötən il Vətən müharibəsi başlayanda Tərtərdə mühafizə postunda idim. Oktyabrın 5-də yaralandım. Əvvəlcə Gəncədə, sonra isə Bakıda müalicə olundum. Müalicə aldıqdan sonra mənə məzuniyyət verildi. Məzuniyyətdən qayıdaraq yenidən Tərtərdə və Göranboyda hərbi xidmətdə oldum. Əsgəri xidmətimi başa vuraraq sağ-salamat evimizə döndüm. “Cəsur döyüşçü” medalı ilə təltif edilmişəm. Müzəffər Azərbaycan Ordusunun cəsur döyüşçüsü olmağmla fəxr edirəm.
Aris MEHDİZADƏ,
Sabirabad şəhər sakini