İdman. Sabirabad futbolu şanlı və gözəl ənənələrə malikdir

İnanırıq ki, Sabirabad Futbolu itirilmiş ənənələrini bərpa edəcək, yaxın gələcəkdə özünün istedadlı və adlı-sanlı idmançıları ilə rayonumuzu bir daha şöhrətləndirəcəklər.

Sabirabad futbolu şanlı və gözəl ənənələrə malikdir. İdmançılarımız hələ ötən əsrin 50-60-cı illərindən başlayaraq Ümumittifaq və Respublika miqyaslı yarışlarda parlaq nəticələr əldə etmişlər. 1957-ci ildə futbolçular “B” qrupunda Respublika çempionu adını qazanmış, 1970-1987-ci illərdə isə “Qızıl Sünbül” kubokunun sahibi olmuşlar. Həmin dövrdə rayonumuza şərəf və şöhrət gətirmiş futbolçulardan Şakir Qəribov, Hüseynağa Kərimov, Kərimağa Məmmədov, Sranuş İbrahimov, Zakir Xəlilov, Qalib Əliyev, Ruslan Həbibov kimi idmançıların adlarını xüsusi hörmətlə qeyd edirik.
Rayonumuzun “İnşaatçı” futbol komandası 1983-1987-ci illərdə respublika çempionatında üçüncü yeri tutmuş, 1986-ci ildə isə SSRİ kuboku uğrunda yarışlarda çıxış etmişdir. 1989-cu ildə peşəkar futbolçu Şakir Qəribovun rəhbərliyi altında “İnşaatçı” ölkə çempionu adına layiq görülmüşdür. Həmin illərdə komandaya ad-san gətirmiş futboçulardan Nizami Məmmədov. Hikmət Əliyev, Ramiz Dadaşov, Mehman Cavadov, Çingiz Gözəlov, Rasim Abuşov, Fərhad Əkbərovu hörmətlə yad edirik.
İnanırıq ki, Sabirabad Futbolu itirilmiş ənənələrini bərpa edəcək, yaxın gələcəkdə özünün istedadlı və adlı-sanlı idmançıları ilə rayonumuzu bir daha şöhrətləndirəcəklər.
“Muganın səsi”