Sabirabadlı gənc müəllim Türkiyədə mükafata layiq görülüb

Missiyası Türkiyə markalarını bütün Türkiyəyə və dünyaya tanıtmaq olan “Türkiye Exclusive Ödülleri” 30 noyabrda “Le Meridien İstanbul”da baş tutub.
Tədbirdə mükafat alanlar sırasında azərbaycanlı elm və təhsil adamları da olub. “Bakı Riyaziyyat Olimpiada Mərkəzi”nin rəhbəri, tanınmış riyaziyyat müəllimi Umud Babaşov “İlin uğurlu təhsil mütəxəssisi” mükafatına layiq görülüb.
Umud Babaşov dünyanın müxtəlif ölkələrində, xüsusilə Azərbaycan və Türkiyədə il ərzində tələbələrin keyfiyyətli təhsil almalarına dəstək verən təhsil müəllimi, Bakı Riyaziyyat Olimpiada Mərkəzinin direktoru, Riyaziyyat, YÖS, SAT, ALES üzrə təhsil mütəxəssisidir.

“Muğanın səsi”