Sabirabadda zəhərlənən azyaşlının son durumu açıqlandı

Ötən gün Sabirabadın Şıxlar kəndində bir ailənin iki azyaşlı övladının zəhərlənməsi ilə nəticələnən bədbəxt hadisə baş verib.
Muganinsesi.az xəbər verir ki, evdə təmizlik işləri gedən zaman nəzarətsiz qalan iki azyaşlı su qabındakı fosfor üzvü birləşmələr qrupuna aid məhlul içərək zəhərləniblər. Kliniki Tibbi Mərkəzin Mətbuat Xidmətindən verilən məlumata görə, 14 yaşlı Zəhra dünyasını dəyişib.
Mərkəzin Toksikologiya şöbəsinə yerləşdirilən 2016-cı il təvəllüdlü Əhmədzadə Elmarın vəziyyəti isə çox ağır olub. Müvafiq müayinə və ilkin yardımdan sonra hazırda azyaşlının vəziyyəti bir qədər normallaşdırılıb.
Amma bununla belə yenə də onun vəziyyəti orta ağır qiymətləndirilir.