Sabirabad rayonunda Azərbaycan xalqının Ümummilli Lideri Heydər Əliyevin 100 illik yubileyi ilə əlaqədar ağacəkmə aksiyasına başlanılmışdır

Azərbaycan Respublikasının Prezidenti cənab İlham Əliyevin Sərəncam ilə Azərbaycan xalqının Ümummilli Lideri Heydər Əliyevin 100 illik yubileyi ilə əlaqədar 2023-cu ilin “Heydər Əliyev İli” elan olunması ilə bağlı keçirilən silsilə tədbirlər çərçivəsində Sabirabad rayonunda ağacəkmə aksiyasına sabirabadlılar həvəslə qoşulmuşlar.
Sabirabad Rayon İcra Hakimiyyətinin təşkilatçılığı ilə Ümummilli Lider Heydər Əliyevin 100 illik yubileyi münasibətilə ağacəkmə aksiyası həyata keçirilir. Bu münasibətlə 3 mindən çox eldar şamı, evkalipt, aliandr və sərv ağacı tingləri Sabirabad şəhərinin küçələrində və rayonun bir çox kəndlərində əkilmişdir.
Qeyd edək ki, may ayına kimi davam edəcək aksiya çərçivəsində rayon ərazisində 10 min ağac əkilməsi nəzərdə tutulur.