• 12:37 – Türkiyəli Olimpiya və dünya çempionu Sabirabada gələcək 
  • 14:22 – İlham Əliyev xanımı ilə İslamiadanın açılışında iştirak etdi 
  • 14:04 – Sabirabad Rayon İcra Hakimiyyətinin başçısı Siraqəddin Cabbarov növbəti səyyar görüş - qəbul keçirib 
  • 13:30 – Sabirabadda əkin sahələrinin suvarma suyu ilə təminatı yaxşılaşdırılır 
  • 15:22 – Prezident İlham Əliyev Türkiyəyə işgüzar səfərə gedib 

Ölkəmizdə mütərəqqi islami dəyərlər və ənənələr həmişə uca tutulmuşdur

  • 18.07.2021, 18:53, Baxış sayı:
  • 199
Ölkəmizdə mütərəqqi  islami dəyərlər və ənənələr həmişə uca  tutulmuşdur
Azərbaycan müstəqillik əldə etdikdən sonra Milli Məclisin qəbul etdiyi 1992-ci il 27 oktyabr tarixli "Azərbaycan Respublikasının bayramları haqqında" Qanununa əsasən Qurban bayramı Azərbaycanda da dövlət səviyyəsində bayram edilir.
Azərbaycan müstəqilliyini bərpa etdikdən sonra bütün dünya müsəlmanlarının həmrəylik və qardaşlıq rəmzi olan Qurban bayramının ölkəmizdə dövlət səviyyəsində qeyd olunması xalqla dövlətin birliyini, Azərbaycan xalqının öz milli və dini ənənələrinə sadiq olduğunu dünyaya nümayiş etdirir. İslam dünyasının ən müqəddəs bayramlarından olan Qurban bayramı bütün müsəlman ölkələrində təmtəraqla qeyd olunur. Ulu Öndər Heydər Əliyev müxtəlif illərdə Qurban bayramını məcburi köçkün soydaşlarımızla birgə keçirmişdir. Bu gün bu ənənə Prezident İlham Əliyev tərəfindən layiqincə davam etdirilir. Azərbaycan xalqının dini dəyərlərinə böyük ehtiram göstərən Prezident İlham Əliyev 2017-ci ili Azərbaycan Respublikasında “İslam Həmrəyliyi İli” elan etmişdi.
Hər il ölkəmizdə rəsmi şəkildə qeyd edilən dini bayramlar mütərəqqi milli-mənəvi dəyərlərin, sosial yardımlaşmanın və xeyirxahlıq duyğularının təntənəsinə çevrilir, cəmiyyətimizdə birlik və bərabərlik ovqatını daha da gücləndirir. Bu cəhətlər Azərbaycanı dünyada tolerantlığın və multikulturalizmin nümunəvi məkanlarından biri kimi tanıdır.
Azərbaycanda mütərəqqi islami dəyərlər və ənənələr həmişə uca tutulmuşdur. İslam dünyasının ən müqəddəs bayramlarından sayılan Qurban bayramı bütün müsəlman aləmində olduğu kimi, ölkəmizdə də hər il xüsusi təntənə ilə, bütün adət və ənənələri yerinə yetirilməklə qeyd olunur. Arzu edirik ki, bu bayram Azərbaycan xalqına dinclik, bolluq və bərəkət gətirsin. Kəsdiyiniz qurbanların, etdiyiniz duaların Allahdan qəbul edilməsini diləyirik.
Mirsahib HADIYEV,
sahibkar
Maqazin
InvestAZ
Sosial Media
  • Facebook
  • Twitter