• 16:32 – Xocavənddə Sabirabaddan olan 20 yaşlı gənc minaya düşüb - Yenilənib 
  • 12:17 – Prezident: "Biz tarixi ənənələrə əsaslanan Azərbaycan-Çin əlaqələrinə xüsusi əhəmiyyət veririk" 
  • 11:34 – Sabirabadda avtomobil aşıb, 5 nəfər xəsarət alıb - YENİLƏNİB 
  • 14:34 – 2023-cü il Azərbaycanda “Heydər Əliyev İli” elan edildi 
  • 20:03 – Ermənilər atəşkəsi pozdu - Hərbçimiz yaralandı 

Şəhid ailələri və müharibə əlilləri daim dövlət qayğısı ilə əhatə olunacaqdır

  • 17.07.2021, 20:00, Baxış sayı:
  • 203
Şəhid ailələri və müharibə əlilləri daim dövlət qayğısı ilə əhatə olunacaqdır
Şəhid ailələrinin və müharibə əlillərinin problemlərinin həlli daim dövlətin diqqəti mərkəzindədir. Prezident İlham Əliyevin rəhbərliyi ilə həyata keçirilən sosial siyasətin ardıcıllığının nəticəsində şəhid ailələrinin, Qarabağ müharibəsi əlillərinin, veteranların problemləri kompleks şəkildə həllini tapır. Onların mənzil-məişət və iş problemlərinin həlli, avtomobillərlə təminatı, aylıq təqaüdün və birdəfəlik ödəmələrin vaxtlı-vaxtında verilməsi göstərilən qayğının əyani təzahürləridir. 2021-ci il 14 iyul tarixində Prezident İlham Əliyevin Xocasən qəsəbəsində şəhid ailələri və müharibə əlillərinə mənzillərin və avtomobillərin təqdim edilməsi mərasimində iştirak etməsi də qeyd olunan kateqoriyaya aid vətəndaşlara dövlətin xüsusi diqqət və qayğısının bariz nümunəsidir.
Ümummilli lider Heydər Əliyevin 1994-cü ildə imzaladığı Fərman müharibə əlillərinin sosial ehtiyaclarının ödənməsi istiqamətində atılan ilk addım olub. Həmin Fərmanın imzalanması ilə müharibə iştirakçılarının, əlillərinin sosial müdafiəsini gücləndirmək məqsədilə tədbirlərə start verilib. Bu gün də bu istiqamətdə həyata keçirilən tədbirlər sistemli və ardıcıl şəkildə həyata keçirilir. Prezident İlham Əliyev tərəfindən bu istiqamətdə imzalanan Fərman və sərəncamlar, Birinci vitse-prezident Mehriban xanım Əliyevanın şəhid ailələrinə və müharibə əlillərinə mərhəmətli qayğısı çoxsaylı ailələrə böyük sevinc bəxş edir. Bu mənada, 1997-ci ildən bu günə qədər Azərbaycanda şəhid ailələri və müharibə veteranlarına 10 mindən artıq mənzil və fərdi evlər verilib. 2025-ci ilə qədər daha 11 min ailə yeni ev və mənzillərə köçəcək. Ötən gün açılışı olmuş Xocasən qəsəbəsindəki kompleksdə 800-dən artıq mənzil də bu missiyaya xidmət edir. Əlilliyi olan şəxslərin avtomobillərlə təminatı prosesində də ardıcıllıq var və bu günə qədər 7200-dən çox bu kateqoriyadan olan şəxslərə avtomobillər verilib. Bu il isə daha 150 nəfərə avtomobil təqdim olunacaq. Eyni zamanda, “Sosial müavinətlərin məbləğinin artırılması haqqında”, “Müharibə əlillərinə Azərbaycan Respublikası Prezidentinin təqaüdü”nün artırılması və “Müharibə əlillərinə Azərbaycan Respublikası Prezidentinin təqaüdü”nün təsis edilməsi haqqında” Azərbaycan Respublikası Prezidentinin fərmanları ilə şəhid ailələrinə və müharibə əlillərinə verilən müavinət və təqaüdlər də artırılıb. Eyni zamanda, şəhid ailələrinin üzvləri və müharibə veteranlarının aktiv məşğulluq tədbirləri çərçivəsində son 6 ayda 47 min 400 nəfər işlə təmin olunub, 7 min nəfər özünüməşğulluq proqramına, 56 min nəfər isə ictimai işlərə cəlb olunub. 2018-2020-ci illərdə bu qəbildən olan vətəndaşların orta aylıq əməkhaqqı 30 faiz, orta aylıq pensiyası isə 60 faiz artıb. Bütün bunlar bir daha onu göstərir ki, ölkəmizdə sosial siyasət ardıcıl, düşünülmüş şəkildə həyata keçirilir.

Güllü Nəsirova,
Sabirabad Rayon Mərkəzi Xəstəxanasında həkim-pediatr
Maqazin
InvestAZ
Sosial Media
  • Facebook
  • Twitter