Şəhidlərimiz haqqında qısametrajlı filmlər

Şəhidlərimizin xatirəsinin yaşadılması, onların göstərdikləri qəhrəmanlıq və şücaətin təbliğ olunması, ictimaiyyətin şəhidlərimizin keçdiyi ömür yolu haqqında ətraflı və geniş məlumatlanması məqsədilə Sabirabad rayon Mədəniyyət Mərkəzi tərəfindən onların ailə üzvləri ilə görüşlər keçirilmişdir. Cari ilin ötən dövrü ərzində şəhidlər - Məmmədzadə Toğrul Pərviz oğlu(Qaratəpə kəndi), Tağıyev Fuad Mərdan oğlu(Ətcələr kəndi), Əsgərov Firavan Xanbala oğlu(Surra kəndi), Mayılov Bəxtiyar İxtiyar oğlu(Surra kəndi), Cəfərov Mətləb Məhəmməd oğlu(Nərimankənd kəndi), İsmayılov Sabir Ədalət oğlu(Sabirabad şəhəri), Bahadurov Anar Süleyman oğlu(Sabirabad şəhəri), Hüseynov Fərid Yaşar oğlu(Məmişlər kəndi), Muradov Elxan Murad oğlu (Əhmədabad kəndi), Nağıyev Fərid Poladxan oğlu (Zəngənə kəndi) haqqında qısametrajlı filmlər hazırlanaraq internet resursları üzərindən sosial şəbəkələrdə paylaşılmışdır. Bu istiqamətdə işlər davam etdirilir.
Sabirabad rayon Mədəniyyət Mərkəzinin nəzdində fəaliyyət göstərən A.İsgəndərov adına Xalq Teatrı tərəfindən də qəhrəman şəhidlərimizin keçdikləri ömür yolundan, onların döyüş şücaətlərindən, göstərdikləri qəhrəmanlıqlardan bəhs edən tamaşanın hazırlıq işlərinə başlanılmışdır.
Mirtale AĞAYEV,
Sabirabad rayon Mədəniyyət
Mərkəzinin direktoru