Növbəti ağacəkmə aksiyası keçirilib

Bu gün əkilən hər bir ağac gələcək nəsillərə yadigar qalır, ekoloji tarazlığın qorunmasında vacib rol oynayır. Yaşıllaşdırma tədbirləri ekoloji mühitin sağlamlığının sürətləndirilməsi, eləcə də insanlar arasında ekoloji mədəniyyətin və təbiətə qayğı hissinin gücləndirilməsinə böyük töhfədir. Bu tədbirlər təbiətin və ekoloji mühitin mühafizəsi, biomüxtəlifliyin qorunması istiqamətində çox mühüm əhəmiyyətə malikdir.
Sabirabad rayonunda son illər ətraf mühitin mühafizəsinə və yaşıllıqların artırılmasına töhfə verən ağacəkmə kampaniyaları mütamadi olaraq keçirilir. Növbəti ağacəkmə aksiyasında Sabirabad Sənaye Məhəlləsi istiqamətində və digər ərazilərdə 3 minə yaxın müxtəlif ağac və gül kolları əkilib. Bu cür ağacəkmə kampaniyalarının davamlı olaraq keçirilməsi planlaşdırılıb.
“Muğanın səsi”