• 22:56 – Prezident Cıdır düzündə çay içdi 
  • 22:27 – İlham Əliyev Xocalıda 
  • 18:19 – ““Yallı” getmişdilər, izi-tozu da qalmayıb burada, rədd etmişik” 
  • 18:06 – “Doğma, sevimli, əvəzolunmaz Şuşa...” - Mehriban Əliyeva 
  • 14:11 – İllər sonra Ali Baş Komandan kimi Şuşada o fotonu göstərdi 

Qiymət artımı görsəniz, bu nömrələrə zəng vurun!

  • 06.01.2021, 14:27, Baxış sayı:
  • 41
Qiymət artımı görsəniz, bu nömrələrə zəng vurun!
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti sahibkarlara müraciət edib.
"Qafqazinfo"ya daxil olan məlumatda bildirilir ki, məlum olduğu kimi, Aİ-92 avtomobil benzininin və dizel yanacağının pərakəndə satış qiymətləri üzrə tarif tənzimlənməsi aparılıb və 5 yanvar tarixindən yeni tariflər tətbiq edilir.
Dizel yanacağının qiymət artımının kənd təsərrüfatı sahəsinə təsiri nəzərə alınaraq, hökumət tərəfindən ayrılan subsidiyalar artırılacaq.
Tarif dəyişikliyindən sui-istifadəyə və əsassız qiymət artımına yol verilməsinin vaxtında müəyyən edilməsi və qarşısının alınması məqsədi ilə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti tərəfindən mütəmadi aparılan monitorinqlərin intensivliyi daha da artırılıb.
Dövlət Xidməti sahibkarların nəzərinə çatdırır ki, nəzarət tədbirləri zamanı qanun pozuntusu halları aşkar edilərsə, qanunvericilikdə nəzərdə tutulmuş ciddi məsuliyyət tədbirləri görüləcək. Bu hallar üzrə cinayət tərkibli əlamətlər müəyyən olunduqda isə, toplanmış materiallar aidiyyəti üzrə hüquq mühafizə orqanlarına göndəriləcək.
İstehlakçılar istehlak bazarında sui-istifadə və əsassız qiymət artımı halları ilə rastlaşdıqda, Antiinhisar və İstehlak Bazarına Nəzarət Dövlət Xidmətinə müraciət edə bilərlər (tel:498-15-01, 498-15-04).
/Muganinsesi.az/
Maqazin
InvestAZ
Sosial Media
  • Facebook
  • Twitter