Sabirabad rayon Heydər Əliyev Mərkəzinin, Sabirabad Uşaq və Ailələrə Dəstək və Sabirabad Qadın Resurs Mərkəzlərinin birgə təşkilatçılığı ilə Sabirabad rayon Heydər Əliyev Mərkəzində "Qadınların məşğulluğu və ailə büdcəsinin düzgün idarə olunması" mövzusunda dəyirmi masa keçirilib.
Tədbirdə şəhər gəncləri və evdar xanımlar iştirak edib.
Qeyd edilib ki, dövlət məşğulluq siyasətinin prioritetlərindən biri də qadınların əmək bazarında iştirak və məşğulluq imkanlarının artırılmasıdır.
Az gəlirli ailələrdə ailə büdcəsinə uyğun maliyyə savadlılığı, gəlir və xərclərin mövsümə uyğun təhlili, pulun idarə edilməsi və xərclərin gəlirlərə uyğun qurulması, lazımsız xərclərdən azad olmanın yolları barədə məlumat verilib.
Bildirilib ki, bacarıqlı, istedadlı xanımlar çoxdur. Sadəcə onlara dəstək olmaq lazımdır ki, məşğulluqlarını genişləndirsinlər və nəticədə öz bizneslərini quraraq gəlir əldə edib ailələrinə dəstək olsunlar.
Mövzu ətrafında fikir və təkliflər dinlənilib, tövsiyələr verilib.
Sonda mövzu ilə əlaqədar qısametrajlı sosial çarx izlənilib.
