20 Yanvar faciəsinə həsr edilmiş kompozisiya nümayiş olunmuşdur

Sabirabad Regional Mədəniyyət İdarəsinin təşəbbüsü ilə 20 Yanvar faciəsinə həsr edilmiş «Siz torpaq uğrunda ölənlərsiniz!» adlı kompozisiya nümayiş olunmuşdur.
Sabirabad rayon Mədəniyyət Mərkəzinin nəzdində fəaliyyət göstərən Adil İsgəndərov adına Xalq Teatrının hazırladığı kompozisiya tamaşaçılara Qanlı Yanvar hadisələrinin hüzn və kədərini çatdırmaqla bu hadisənin hər zaman yaddaşlarda yaşayacağını, şəhidlərimizin xatirəsinin əbədiliyini aşılamışdır.
Sonda İdarə rəisi Fərid Qurbanzadə Mədəniyyət Mərkəzinin kollektivinə yaradıcı fəaliyyətlərində uğurlar arzulayaraq bu tipli tədbirlərin davamlı olmasının zəruriliyini qeyd etmişdir.