Parlament Zəfər Günü ilə bağlı bəyanatı müzakirə edir

Milli Məclisin plenar iclasında 8 noyabr – Zəfər günü ilə əlaqədar Azərbaycan Respublikası Milli Məclisinin bəyanatı müzakirə olunur. Spiker Sahibə Qafarova bəyanatı təqdim edərkən torpaqlarımızın işğaldan azad olunmasında Ali Baş Komandanın qətiyyəti, qəhrəman ordumuzun şücaətindən danışdı. Bildirdi ki, Qarabağın və Şərqi Zəngəzurun iqtisadi dirçəlişi ilə bağlı layihələr uğurla başa çatdırılacaq. “Bizim müdrik rəhbərimizə, qəhrəman ordumuza, mətin xalqımıza eşq olsun! Yaşasın Azərbaycan! Qarabağ Azərbaycandır!”-deyə, spiker çıxışını yekunlaşdırdı.
Spiker Zəfər günü münasibətilə parlament rəhbərliyinə çoxsaylı təbrik məktublarının göndərildiyini və təbriklərin gəlməkdə davam etdiyini söylədi.