• 16:24 – Bakı qeydiyyatında olan maşınlara yeni nömrə kodu veriləcək 
  • 07:53 – “Azərbaycana vurulmuş ziyanın təzminatını öz xoşu ilə həll etsinlər, yoxsa...” 
  • 07:35 – Ermənistan-Azərbaycan dövlət sərhədində atışma gedir - RƏSMİ 
  • 07:32 – Erməni postu məhv edildi - ölən və yaralılar da var 
  • 09:25 – İlham Əliyev BƏYAN ETDİ: "Nə status var, nə Dağlıq Qarabağ" 

Baloğlan Əşrəfov: “Hamıya demişəm ki, Şuşaya birinci mən gedəcəm”

  • 05.11.2020, 17:52, Baxış sayı:
  • 289
Baloğlan Əşrəfov: “Hamıya demişəm ki, Şuşaya birinci mən gedəcəm”
“Hamıya demişəm ki, Şuşaya gediş-gəliş olandan sonra birinci mən gedəcəm. Bu günlərdə bizim sənət adamları qürur hissi ilə mahnılar oxuyurlar”.

Bu sözləri açıqlamasında Əməkdar artist Baloğlan Əşrəfov deyib.

Sənətçi zəfərlərimizin onu necə fərəhləndirdiyindən danışıb:

“Ərazilərimiz uzun illərdən sonra erməni quldurlarından qurtulur. Ona görə əsgərlərimizə baxırıq, fəxr edirik. İnanın, qohum-əqrabalarımdan şəhid olanlar var. Dayım oğlu da şəhadət şərbəti içdi. Ondan başqa qohumlar, tanışlar da həmçinin. Lakin xüsusi olaraq vurğulayım ki, Ali Baş Komandan İlham Əliyevin səyi nəticəsində torpaqlarımızın hamısı işğaldan azad olunacaq. Hələ o vaxtı Şuşaya səfər etmişdim. Atam orada istirahət edirdi. Mən də onun yanına getmişdim. O zaman Şuşaya, onun torpağına vurulmuşdum, heyran qalmışdım. Sonra düşünüb, təəssüflənirdim ki, belə bir şəhərimiz işğal olunub. Deyirdim görəsən bir də gedə biləcəmmi oralara? İndi şükür ədalət öz yerini tapır. Allah bu yolda şəhid olan oğullarımızın ruhunu şad eləsin. Hər birinin qarşısında baş əyirəm. Döyüşən igidlərimizin səs-soraqları gəldikcə fərəhlənirəm. Fəxr edirəm ki, mən də Azərbaycan xalqının bir nümayəndəsiyəm. Və millətim əzəli torpaqlarını işğaldan azad edir. Mən də o böyük qələbə gününü görəcəm .Çox istəyirəm ki, Qarabağa səfər edim”.Serg.az
Maqazin
InvestAZ
Sosial Media
  • Facebook
  • Twitter